Tilbúgvingarstigið er broytt til fasu 6 - 16-07-2009

Tilbúgvingarstigið broytt

Á middegi í dag gjørdi Landslæknin í samráð við danska Heilsustýrið og

heimsheilsustovnin WHO av, at fara úr tilbúgvingarstig fimm upp í tilbúgvngarstig seks.

Í hesum sambandið hevur føroyska heilsuverkið gjørt eina leiðbeining við góðum ráðum

til fólk.

Hóast tilbúgvingarstigið nú er hækkað bendir framvegis alt á, at Influensa A er ein mild

beinkrímsjúka. At farið verður upp í tilbúgvingarstig seks merkir, at talan nú er um eina

reiðiliga umfarsótt í Føroyum. Føroysku heilsumyndugleikarnir hava broytt

tilbúgvingarstigið, tí tað nú kann staðfestast, at H1N1 smittar frá fólki til fólk, og at meira

enn tann eina smittukeldan er staðfest.

Í hesum sambandi hava føroysku heilsumyndugleikarnir í samstarv við danska

Heilsustýrið gjørt eina leiðbeining við góðum ráðum hvussu ein kann minka um vandan

at verða smittaður og smitta onnur.

Verj teg og onnur fyri H1N1

• Vaska hendurnar ofta
Influensavirus setir seg á hendurnar og spjaðir seg við hondheilsan og av hurðahondtøkum. Tí verður rátt til at vaska hendurnar ofta og við sápu.

• Hosta ella njósa í ermuna
Influensavirus smittar, sum smáir dropar frá hosta, njósa og líknandi. Legg útyvir munnin og nøsina, tá tú hostar ella njósar. Nýt einnýtis lummaklút ella ermuna í staðin fyri hondina.

• Verð heima, um tú ert sjúk/ur
Influensa spjaðir seg skjótt í skúlum, á arbeiðsplássum og stovnum. Ring til lækna í staðin fyri at møta upp í bíðirúminum ella á sjúkrahúsinum.

Serligir vandabólkar
Hevur tú niðursett lungavirkni, astma, hjartasjúku, diabetes ella niðursetta immunverju skal tú verða serliga ansin. Um so er skal tú seta teg í samband við egnan lækna, um tú ella onkur í húsinum fáa influensa.

Barnakonur, sum fáa influensusjúkueyðkenni og foreldur at børnum undir 2 ár við influensueyðkennum skulu seta seg í samband við lækna.

Influensa A (H1N1) er eitt nýtt virus, sum upp á stutta tíð hevur spjatt seg um allan heimin. Í allar flestu førum er sjúkan mild og hæsar av eftir fáum døgum. Kortini er tað týdningarmikið at avmarka smittuna.

Landslæknin og Heilsumálaráðið 16. juli 2009