Dálking av øsku í luftini - 21-04-2010Landslæknin fylgir nevt støðuni viðvíkjandi dálking av øsku í luftini. Síðani seinasta hósdag hevur eingin øska verið at sæð í okkara mátingum. Víst verður annars til tíðindaskrivið 19.04.10:
• Fólk, sum hava trupulleikar av andaleiðini (astma og bronkitis), kunnu vera uttandura. Tó eiga tey at minnast til at hava heilivág við, um tey fara heimanífrá.
• Børn undir 1 ár kunnu aftur sova úti,
• Fólk, sum í hesum døgum vísa tekin til sjúkueyðkenni frá lungunum, eiga at ringja til lækna,
• Fólk, ið føla trupulleikar í eygum, nøs og svølgrúmi, kunnu avmarka uttandura virksemið,
• Fólk, ið nýta kontaktlinsur, eiga at skifta til brillur eftir tørvi. |