Farsóttin avhæsað - 22-01-2007Farsóttin avhæsað
Í fyrru helvt av 2006 høvdu vit í Føroyum eina farsótt við kikhosta. Alt árið 2005 vóru 3 tilburðir fráboðaðir, meðan 11 tilburðir hjá børnum undir 1 ár vóru fráboðaðir fyrsta hálva árið 2006.
Síðani juni 2006 er bert 1 tilburður fráboðaður, og hetta var í august 2006.
Eingin tilburður er fráboðaður í ár higartil, og verður tí mett, at farsóttin er avhæsað í hesum umfari.
Vanliga eru farsóttir við kikhosta 3. til 5. hvørt ár.
Nærri lýsing av støðuni viðvíkjandi kikhosta í Føroyum í fjør og upplýsingar um kikhosta annars eru at finna á heimasíðu Landslæknans www.landslaeknin.fo undir slóðini Tíðindi. Vel tíðindaskrivið frá 14.07.2006.
Vinarliga
Høgni Debes Joensen
landslækni
|